رحلتي الشاقة

الحمد لله وصلت كندا بعد رحلة اليمة

مشيت من جدة الساعة 4 فجر السبت وبعد توديع الاهل وانواع البكا والالم .. خصوصا من ميعاد اختي الصغيرة 😦

وكانت رحلتي عالخطوط الالمانية 5 ساعات لحد المانيا – فرانكفورت  تزانزيت

وقعدنا في مطار المانيا 5 ساعات كانت مرررة متعبة …

وصراحة تفاجئت من مطارهم مرة معفن ومافي كراسي كتيرة الناس جالسين على الارض

وتعاملهم سئ خصوصا مع العرب

وبعدها طلعت على الرحلة الثانية من فرانكفورت – الى فانكوفر في كندا

والرحلة كانت مميتة 10 ساعات واحنا في الجو

وكمان كان مقعدي في اخر الطيارة واخويا مقعده في اول الطيارة وماقدرنا نبدل

وكانو كل اللي جنبي المان 🙂

يعني مافي فايدة حتى اتكلم مع احد

بس في فترة من الرحلة حسيت ببرد مو طبيعي ولما طالعت في الشاشة لقيت اننا عند القطب الشمالي وكانت درجة الحرارة برة الطيارة -63 درجة مئوية

شوفو الصور

Photobucket

Photobucket

 

المهم وصلنا مطار فانكوفر الساعة 12ليل بتوقيت السعودية والساعة 2 الظهر بتوقيت فانكوفر

وقعدنا في المطار ساعة ونص لحد ما خلصنا الاجراءات

وخرجنا اخدنا تاكسي وطلع السواق ايراني مسلم بس مايتكلم عربي

وقعد طول الطريق يتكلم معانا >>> تخيلو لما عرف اني تخصصي كمبيوتر طلع يعرف لغات برمجة وقعد يسألني عنها ويقلي هدي حلوة ودي صعبة !!

وطبعا التاكسي فيه جهاز GPRS عشان يمشي بالخرايط 🙂

وصلنا الفندق (هولدي ان) واقول للريسبشن خلي احد يجي يشيلنا الشنط >> يقلي ماعندنا عمال خدي العربية وشيلوها بنفسكم

استغربت فندق 4 نجوم ومافي احد يشيل الشنط !! ولا هو عندهم النظام كدة في كل الفنادق ما ادري !!!!

 

واخيرا دخلنا غرفتنا وهذا سريري

Photobucket

 

نمت على طول نومة عميييقة ماحسيت بنفسي الا بعد 9 ساعات متواصلة من النوم

قمت مفجوعة اني نمت كل دا الوقت لانو العادة نومي مقطع

ودحين بعد شوية حاطلع افطر ميتة جوع ما اكلت شي من الطيارة

 

هذي رحلتي الشاقة باختصار لكندا

وحنبدأ اليوم نكمل اجراءاتنا في الملحقية والبنك والشقة …. الخ 🙂

دعواتكم

وحشتووووني مرررة 🙂

Advertisements

9 تعليقات

  1. حمدلله ع السلامه

  2. الحمدلله ع السلامة ..
    وترجعين بالسلامة وانتي محققه هدفك وطموحك ..

  3. حبيبتي اوده الحمدلله على سلامتك

  4. looooooooooool nfsi ashooof washik lma glkom shelo al alshenat be nafskom hehehehe

  5. الحمد لله على السلامة اوودهـ ..

    بالفعل رحله متعبه جداً ..
    الحمد لله على السلامه خيتي ..
    والله يوفقك في دراستك .. وتتحقق طموحك

  6. حمدلله على السلامه

    وبالعافيه

  7. الله يوفقك ياغاليه
    وعقبال ماترجعي لنا باعلى الشهادات

    صاحبتك 🙂
    ريم

  8. الله يسلمكم ياارب كلكم 🙂

  9. الحمد لله على السلامة وانشاء الله ترجعيلنا دكتورة وحشتيييييني مرة

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: