في طريق الامنيات .. كلمات

كثير امنيات نتمنى تتحقق في حياتنا

وكثير اهداف نسعى اننا نوصلها

ونزعل مرة لو ما اتحققت هذي الامنيات او لو ماوصلنا لهذي الاهداف

لكن لو فكرنا فيها شوية

حنلاقي انو ربنا كريم .. ومايكتبلنا الا اللي فيه الخير

فاحتمال يكون في احد امانينا شر لينا واحنا ماندري

عشان كدة الواحد يسعى للي يبغى يوصل له

لكن لو ماوصل .. لا يزعل لانه اكيد خير له

وكمان لا ييأس من كرم رب العالمين

يارب تحققلي امنياتي .. وتبلغني اهدافي 🙂

وعلى طاري الامنيات

في برنامج كان يجي على mbc ما ادري اذا لسه يجي ولا لا

اسمه العراب ..

في فكرة عجبتني مرة .. ورغم انه المذيع مسيحي لكن فكرته رائعة

كان بيعطي لضيوف الحلقة كتاب اعتقد مسميه (كتاب الشكر)

فكرته انه كل واحد يكتب في هذا الكتاب ايش الامنيات والنعم اللي ربنا اكرمه بيها في هذا الشهر مثلا او في هذا اليوم

على اساس لو في يوم من الايام ضاقت عليه الدنيا .. يفتح هذا الكتاب ويقرأ الاشياء الحلوة والنعم اللي عنده ويحمد ربه عليها

قررت اعمل شئ شبيه بـ كتاب الشكر هذا لانه بالفعل ما بندرك قيمة النعم الا لما نفقدها .. فليش نستنى لما تفقدها طالما (وبالشكر تزيد النعم)

اللهم لك الحمد 🙂

Advertisements

4 تعليقات

  1. موضوع جميل ..
    بالفعل الواحد مايشعر بقيمة النعمة غير لما يفقدها ..
    فكرتيني بكتاب الشكر بحاجة مرت عليا ..
    كانوا بيقولوا مرة اكتبي الصفات اللي تحبيها في زوجك في دفتر ولما تزعلي منه افتحيها وأقرايها
    ولله المثل الأعلى .. ربنا قد ماحنحصي النعم والافضال اللي اعطانا هيا مانحصيها ..
    اشكرك رودة 🙂

  2. صادقة ايانق
    المفروض اننا نخلي الجانب المشرق دايما قدام عيننا
    اسعدني مرورك 🙂

  3. ممممم وإن شكرتم لأزيدنكم والواحد يطالع في الكاسة المليانة احسن من الفاضية ودا الكلام اقوله لنفسي قبل لا اقوله لأختي

  4. ايوه صح ملاك ..
    احب مثال الكاسة المليانة اللي قلتيه 🙂

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: