مقتطفات من يومي

اليوم كان اخر يوم لوحدة من زميلاتي في الدوام وماخدة اجازة بعدها عشان زواجها

وعملنالها مفاجئة .. جبنالها بوكيه ورد لانها تحب الورد مرة وكمان جاتوه

ومرررة انبسطت وكانت ردة فعلها حلوة مرة .. الله يوفقعها ويسعدها يارب

هذي صورة البوكيه

اليوم كمان رحت انا واختي واخويا اتعشينا في بيت اختي

وبنت اختي الصغيرة مرة كانت مبسوطة لاننا جيناهم

وقبل مانخرج بنص ساعة تقريبا لما سمعتنا بنقول يلا نبغى نروح

صارت تبكي بأعلى صوتها وتأشر بيدها لا تروحوا لا تروحوا باتوا عندنا

وعاد محاولات الاقناع انو نحن تعبانين ونبغى ننام تقوم تقلنا لا ناموا عندنا

انا اجبلكم لحافي كبير ..

وصارت البنت متشعلقة فيا وتشهق من البكا

قعدت نص ساعة وانا احاول اقنعها وهي راسها الف سيف الا نقعد عندهم ونبات

وبعدين من كتر البكا تعبت وصارت عيونها منفخة

وقعدت العبها شوية .. وبعدين قلتلها خلاص انا اروح البيت انام وبعدين اجيكم مرة تانية

قامت نوعا ما اقتنعت بعد ماشافت انو مافي فايدة وراحت وقفت على الطاقة

وصارت تقلنا واحنا خارجين تعالولنا مرة تانية مع الــ (ث)لامة >> تجنن لدغتها

وهدي صورتها وهي تبكي وتقول لا تروحوا لا تروحوا

Advertisements

رد واحد

  1. ياشريرة كل دا البكا والترجي ما حزنتك
    كان سويتيى نفسك نايمة لين ماتنام ورحتي

اترك رد

إملأ الحقول أدناه بالمعلومات المناسبة أو إضغط على إحدى الأيقونات لتسجيل الدخول:

WordPress.com Logo

أنت تعلق بإستخدام حساب WordPress.com. تسجيل خروج   / تغيير )

صورة تويتر

أنت تعلق بإستخدام حساب Twitter. تسجيل خروج   / تغيير )

Facebook photo

أنت تعلق بإستخدام حساب Facebook. تسجيل خروج   / تغيير )

Google+ photo

أنت تعلق بإستخدام حساب Google+. تسجيل خروج   / تغيير )

Connecting to %s

%d مدونون معجبون بهذه: